هاني شاكر بلغوا الآداب عن محمد رمضان
خلال مداخلة هاتفية مع الإعلامي أحمد موسى قال الفنان هاني شاكر نقيب الموسيقيين في برنامج “على مسئوليتي” الذي يذاع على قناة صدى البلد، فيما يخص الفنان محمد رمضان انه جعله يكتب إقرارًا على نفسه يلتزم بالقواعد العامة والملابس العامة، و إن النجاح عند الفنان محمد رمضان إنه يطلع لابس شيفون ويطلع عريان.
حيث قال الفنان هاني شاكر مش شغلتي إنه يكتب عندي تعهّد، دي شغلة المصنفات الفنية تبلّغ عنه الآداب، لكن تطوعًا مني وحرصًا عليه وعلى الفن خلّيته يمضي تعهد، لكنه طلع لابس شيفون وطالع عريان، بالنسبة له ده النجاح”.
وتابع: “محمد رمضان مش عامل حساب للنقابة خالص، من آخر حفلة مدتوش تصريح تاني، أما كليباته المنوط بها المصنفات الفنية، لما بيغني في حفلة بياخد تصريح من النقابة”.
و أكمل حديثه قائلا بقالنا 10 سنين سايبين الدنيا سداح مداح، أي حد عامل حاجة في البيت ينشرها، وهؤلاء بيكثروا لأن مفيش حد قصادهم”.
وتابع هاني شاكر : “ما يقدم على المسرح لا يرضيني ولا يرضي الناس ولا يليق باسم مصر، كنا على استعداد لعمل ضوابط لو الناس ملتزمة، لكن مفيش التزام، لأنه لو غنى كويس هينجح ليه؟ مش هينجح، إلا لما يغني عن الفودكا والحشيش هو ده اللي لفت نظر الناس”.
