تفاصيل سياسة الخصوصية الواتساب الجديدة
عايز تعرف معني رسالة سياسة الواتساب الجديدة بشكل عقلاني وبدون تأليف أو كلام غير مدروس
كلمتنا هتدردش معاكم بشكل بسيط جداً وعلمي جدا علشان تعرفوا كل حاجة عن التحديث الجديد والرسالة ومعناها…
الرسالة هي مجرد بيان للبيانات الِّي بيتم تجميعها عنك من قِبل الواتساب .. بمعنى إن معظم هذة البيانات كان بيتم تجميعها قبل البيان أصلاً
”استخدم WeChat .. بلاش استخدم Signal أحسن، ولا أقولك أستخدم Telegram أفضل“
وفي النهاية يستمر الإجماع على الواتساب، برغم الكلام الغير مدروس إللي انتشر عشان في النهاية الكل
هيستمر باستخدامه بما فيهم الِّي كانوا بيوصوا بعدم استخدامه لكل الأهل والزملاءوالاصحاب والغالب من الناس عليه
.. ثم ان الِّي بيعمله الواتس اب بيعمله الباقين من البرامج بجمع معلومات وبيانات المستخدم…
إيه هي باختصار البيانات المجمعة اللي هيجمعها واتساب ويستخدمها..
1- موديل ونظام تشغيل الجوال
2- الموقع وعنوان البروتوكول وتوقيت المنطقة بيانات الاستخدام (احصائيات، كم ميجا ارسلت وأستُقبلت)
-3-الدفع والتحويلات (خدمة مالية للواتساب متاحة بالهند فقط)
4- معلومات المجموعات وصورة الملف الشخصي
… الأهم في كل ده وموقع كلمتنا بيأكد لكم أنها مش بتشمل المحادثات الخاصة
ولا الرسائل على الجروبات ولا ال voice records ولا الفيديوهات ولا الصور الخاصة المنشورة في المحادثات
…مع العلم أن جميع البيانات المجمعة بالاعلى يتم استغلالها من جميع تطبيقات التواصل الاجتماعي .. الفارق أن الواتساب أعلنتها صريحه.
…يجب الموافقة على سياسة الخصوصية وإلا سيتم إغلاق حسابك بحد أقصى ٨ فبراير، ٢٠٢١؛
إذا ظهرت لك وضغط على الـ X أو أغلقت التطبيق ستظهر لك مره اخرى.
تحديثات سياسة الخصوصية على موقع واتساب مستمرة
ولمعلوماتك أنه مفيش تطبيق على مستوى الكرة الأرضية مش بيستخدم البيانات الشخصية للمستخدمين
بما فيها حتى شركة Apple الأقوى على مستوى الأمان لمستخدميها (وغيرها) ولكن بيتحججوا بالامان عشان يضحكوا على المستخدمين.
عزيزي قارئ كلمتنا
أنت مصدر ربح لأي خدمة أو تطبيق تستخدمه .. متخليش المنشورات تقنعك بكذبة أن في تطبيقات مش بتجمع معلوماتك،
فاذا عايز تمسح الواتساب امسح كل تطبيقات التواصل بقى بالمرة لأن كلهم بيجمعوا معلوماتك الاساسيه
زي الموقع ونوع الجوال وغيرها ودا طبيعي مش هيقدمولك خدمة بدون مقابل.
وزي ما ذكرت الأهم هو عدم مشاركة المحتوى الاساسي (الرسائل، الفيديوهات، الصور)
باقي البيانات الاساسيه جميع تطبيقات التواصل بتستخدمها بالفعل مش بس الواتس.
