رد باسم سمره على الأزمة بينه و بين محمد رمضان

بدأت الأزمة أثناء تواجدهما في فرح ودفع باسم سمرة محمد رمضان لينتشر الفيديو ويرد محمد رمضان

في لقاء مع وائل الإبراشي قائلا: «باسم مكنش في وعيه ولو كان في وعيه كنت اديته بالشمال».

تصريحات باسم سمره للرد على محمد رمضان

و جاء رد الفنان باسم سمره على محمد رمضان من خلال برنامج «الحكاية» مع عمرو أديب قائلا :

«أنا مقدرش أرد عليه علشان أنا ابن ناس محترمة

وأنا أدعوه للتمثيل معي في فيلم روائي 10 دقايق قصير ويبقى بطولة مشتركة بيني وبينه تحدي».

وأضاف: «هو مثل قبل كدا معايا في هالة والمستخبي كان بطولتي أنا وليلي علوي

وكان فيه أخويا الصغير.. أنا بحب رمضان مش عارف الشيطان سايقه ولا إيه».

وتابع باسم سمره: «أنا كنت محتضنه جدا وهو أخويا بس معرفش الهبل اللي هو بيقوله دا إيه الكلام الأهبل دا.. ما تصحى لنفسك يابني.. انت مش بتقول أن نمبر وان أنا هوريك في التمثيل والحكم للجمهور».

وأضاف : «أنا مطلعش على التليفزيون حد يشتمني أو يقل مني وخصوصا لما يكون عيل صغير».

وتابع حديثه عن أعماله قائلا: «عملت آخر فترة فيلمين دماغ شيطان ومنجحش ومحدش كلمني ناقشني قالي منجحش ليه.. وعملت فيلم تاني اسمه صندوق الدنيا أحلى تمثيل وفيه صلاح عبدالله وخالد الصاوي ورانيا يوسف محدش كلمني في شغلي.. ليه مبتركزوش معانا في شغلنا الحقيقي وبتركزوا في الخناقات».