الرئيسية / عالم الفن / وفاة الفنان القدير عزت العلايلي تعرف على أبرز نقاط حياته

وفاة الفنان القدير عزت العلايلي تعرف على أبرز نقاط حياته

تفاصيل وفاة الفنان القدير عزت العلايلي

وفاة الفنان القدير عزت العلايلي

في صباح اليوم الجمعه الخامس من فبراير اتوفي الفنان القدير “عزت العلايلي”..

واحد من فرسان الفن المصري والعربي..

وفاة “العلايلي” جت بعد أقل من شهر على ظهوره في برنامج “صاحبة السعادة”

مع “إسعاد يونس” واللي كان في منتهى البساطة خلالها واسترجع ذكرياته الفنية

أو حنينه لزوجته الراحلة اللي قال إن أى نجاح حققه في حياته يرجع لها هي الفضل

فيه بعد ربنا وإن لولا وجودها ماكنش هيوصل لأى حاجة!.. قال عنها:

(مكنتش متخيل إنها هتروح وتسيبني.. مفيش حد معايا ساعات أسمع صوتها وساعات أقوم من النوم على صوتها، ربنا يرحمها)..

وكإن المقابلة كانت رسالة وداع رقيقة منه لجمهوره..

وفاة الفنان القدير عزت العلايلي

“عزت العلايلي” قيمة فنية كبيرة.. اتوفى وعمره 86 سنة منهم أكتر من 58 سنة إبداع متواصل لعشقه الأبدي والأهم “الفن”..

اتولد في حي باب الشعرية في القاهرة 15 سبتمر سنة 1934.. حصل على بكالوريوس المعهد العالى للفنون المسرحية سنة 1960.. رغم إنه كان بيحب التمثيل من صغره وعايز يشتغل فيه بسرعة لكن بسبب وفاة والده الله يرحمه تنفيذ الحلم اتأجل شوية لإنه كان محتاج منه تركيز كبير.. مش كتير يعرفوا إن “العلايلي” بدأ حياته معد للبرامج!..

وفاة الفنان القدير عزت العلايلي

البداية كانت سنة 1962 من خلال فيلم “رسالة من امرأة مجهولة” اللي كان شهادة ميلاده

الحقيقية إننا قدام فنان موهوب وعنده كتير يقدمه.. توالت بعدها الأعمال اللي قدمها عشان

توصل لـ أكتر من 200 عمل درامي ما بين سينما وتليفزيون ومسرح..

من أهم الحاجات اللي كانت بتميز “العلايلي” هي دقته في الاختيار!.. كان بيبقى حريص في

معظم أدواره إنها تسيب علامة.. عشان كده ماكنش غريب إن يكون له 10 أفلام من ضمن أفضل

100 فيلم في تاريخ السينما المصرية بحسب استفتاء النقاد سنة 1996.. الأفلام هي: “بين القصرين”،

“قنديل أم هاشم”، “الأرض”، “الأختيار”، “زائر الفجر”، “على من نطلق الرصاص”، “السقا مات”، “إسكندرية ليه”،

“أهل القمة”، “الطوق والأسورة”..

وفاة الفنان القدير عزت العلايلي

وحتى الأفلام اللي لم يتم اختيارها ضمن القائمة وشارك فيها “العلايلي” كان فيه منهم أفلام

فعلاً عظيمة!.. زي: “الطريق إلي إيلات”، “الإنس والجن”، “المواطن مصري”، “الأقوياء”، وغيرهم..

الدراما كان لها حظ من مشوار “العلايلي” من خلال مشاركته في أعمال زي: “الأرض الطيبة”،

“أحلام مؤجلة”، “بوابة المتولى”، “أبدا لن أموت”، وغيرهم.. والمسرح كان ساحة جديدة لإبداعه

لما قدم على خشبته مسرحبات: “خيال الظل”، “الإنسان الطيب”، “أهلا يا بكوات”، “لعبة كل يوم”، وغيرهم..

كان لازم مشوار طويل بالشكل ده، ومعاه أداء مميز زي اللي كان بيقدمه “العلايلي”؛ يكون فيه تكريمات مهمة

زي جايزة أحسن ممثل عن فيلم “الطريق إلى إيلات”، درع تكريم مهرجان ART السينمائى سنة 2009 عن مشواره،

ودرع مهرجان وهران للفيلم العربى سنة 2017 عن مشواره برضه..

ربنا يرحم الفنان القدير الجميل “عزت العلايلي”.

شاهد أيضاً

اخر اخبار محاكمة دنيا بطمة

جديد دنيا بطمة اليوم : قرار محكمة الاسثئناف في قضية دنيا بطمة

قرار محكمة الاسثئناف في قضية دنيا بطمة في اخر تطورات قضية دنيا بطمة المتعلقة بحمزة …